Wok Bung Wantaim Long Comprehensive Partnership Namel Long Kantri Ripablik Bilong Indonesia Na Indipenden Stet Bilong Kantri Papua New Guinea


Peter O'Neill and SBY [Credit : Abc News]
Long dispela wok bung wantaim long Jakarta, long date 17 June, 2013 long capitol city bilong kantri Indonesia, hetman bilong tupela kantri i sainim 15 pela agreement. Namel long dispela agreement bilong wok bung wantaim, wanpela bigpela samting em i agreement bilong extradition. Narapela samting ol i Boda divelopmen, ikonomi, ilektriciti, mineral risouces, edukesen, kalcrel exchens na meni moa.

Ol ministes bilong PNG i pasim maus taim Indonesia askim issue bilong Djoko Chandra, wanpela fugitive bilong Indonesia we ibin involve long Bank Century long Bali Island long Indonesia na nau em kamap citizen bilong kantri Papua New Guinea, bikos kantri PNG grentim Djoko Chandra PNG citizenship.

Olsem na Jakarta yusim dispela issue tu long holim ol West Papuan we nau istap long PNG. 
Long dispela visit PNG tu interest long wok bung wantaim long difens long baim guns long Indonesia, itok PNG difens minista, Mr Fabian Pok.

Praim Minista bilong Kantri Papua New Guinea Hon. Peter O’Neill, CMG MP bipo em igo wantaim dilegasen bilong em long Jakarta em itok olsem em i konsen true long issue bilong West Papua na em bai holim diskasen long dispela issue wantaim President bilong kantri Indonesia DR. H. Susilo Bambang Yudhoyono long dispela visit bilong em.

Praim Minista Hon. Peter O’Neill, CMG, MP itok olsem dispela visit bikos askim bilong govman bilong Indonesia long wok bung wantaim long solvim hevi bilong West Papua issue. Long wanpela taim long democracy forum meeting long Bali Island Indonesia President ibin tokim Mista O’Neill olsem “ taim bilong solvim West Papua issue” tasol solvim insait long banis bilong Indonesia bikos ol pipol blong West Papua em bilong yu (O’Neill) tasol  ol dispela pipol citizen blo mi (SBY).

Dispela muv bilong kantri Papua New Guinea em i konfiusim pipol bilong Melanesia long West Papua na tu long aolgeta pipol bilong South Pacific ol long fight  bilong ol long kisim independent. Olgeta kantri bilong Melanesia holim meeting long kantri New Kaledonia, Kanaky tasol Papua New Guinea igo long Jakarta. Insait long dispela meeting bilong MSG, ol lida bilong Melanesia ol bai salim dilegasen igo long Jakarta na Jayapura. Agenda bilong West Papua kamap memba bilong MSG we WPNCL I wok long pusim i suruk olsem sixpela mun olgeta.

Lukluk long dispela issue ol brata na susa bilong PNG wok long askim gavman bilong PNG long dispela situasen wok long kamap insait long PNG na Melanesia. Olgeta samting wok long senis, meeting bilong MSG finis na delegasen bilong ol foreign affairs minista bilong ol Melanesian countries bai go long Jakarta na Jayapura long kisim dairek viuw long fil bipo toksave risal bilong membership bilong West Papua long WPNCL. Ol samting ino stret yet, PM bilong Fiji Comodore Frank Bainamarama igo visitim kantri Rasia. Ol armi bilong America, Australia, New Zeland na Siapan wantaim olgeta bigpela masin na ship bilong war wantaim kain kain samting fulap istap long boda eria long Vanimo na Daru tu. Taim ol pipol bilong peles askim ol na ol itok olsem ol kam long helpim pipol long peles insait long bush long sampla program olsem educasen, health, na wanpela bigpela samting we ol laik fight wantaim niupela sik binatang name bilong en em i Newcastle kam istap long boda eria. Ino pinis yet, Julia Gilard igo Kevin Rudd ikam olsem lida bilong asutralia, afta kamap olsem namba wan man bilong kantri na ino wanpela mun yet Praim minista bilong Astralia Kevin Rudd hariap tasol igo long Jakarta toktok wantaim SBY finis na long dispela week long date 14 July, 2013 insait long 24 hours em bai visitim Praim Minista bilong PNG, mista Pita O’Neill.

Long dispela situasen wok long kamap mekim ol pipol bilong PNG, UPNG students and lectures, NGOs and Civil Society Partnership against corruption, general public tok strong olsem:


Fight bilong pipol bilong Melanesia long West New Guinea or West Papua long Indipenden em i no fight bilong kaikai, money, kar or haus na meri tasol, West Papua pipol fight long “Political Rights to Self – Determination”.

So ol pipol bilong Melanesia askim long ol lidas bilong Melanesia olsem “ Noken Salim Brata na Susa Bilong Mipela na Bitreim Political Rights Bilong Ol Brata na Susa Bilong Mipela long West Papua long kisim Indipenden bikos Ikonomik Interest bilong yupela”  

Ol brata na susa bilong mipela laikim wanpela tasol na em
 “FREEDOM…MERDEKA”

No comments:

Post a Comment

Leave Comment In Here